१३ वर्ष गुजरातको मुख्यमन्त्रीको कार्यकाल सम्हाल्दा एक दिन पनि विदा नलिएका मोदी

२०७६ जेठ २० गते १:०८ Flashkhabar

भारतीय प्रधानमन्त्री नरेन्द्र मोदी विश्वका चर्चितमध्येका एक नेता हुन् । उनी हिन्दु राष्ट्रवादी छवि बनाएका नेताका रुपमा समेत चर्चित छन् ।

पछिल्ला केही समययताका सबैभन्दा शक्तिशाली भारतीय नेताका रुपमा उदाएका उनी बेलाबेला विवादमा समेत तानिने गरेका छन् । उनका केही यस्ता तथ्य छन्, जुन सबैलाई थाहा नहुन सक्छ ।

१. उनी शाकाहारी हुन्

नरेन्द्र मोदी शुद्ध शाकाहारी हुन् । उनको खानपान शैली पनि निकै नै कठोर छ । उनले दैनिक गुजराती शैलीको खिचडी खाने गर्छन् । त्यस्तै उनी रहेक दिन दही खाने गर्छन् । उनी आफ्नो स्वास्थ्यको निकै ख्याल गरेर योगा, प्राणायाम गर्ने गर्छन् भने नियमित ब्रत बस्ने गरेका छन् । उनी उमालेको पनिमात्रै पिउँछन् भने धूमपान र मद्यपान गर्दैनन् ।

२. बच्चैमा विवाह गरे

नरेन्द्र मोदीले बच्चैमा विवाह गरेका हुन् । सन् १९५० मा जन्मेका उनले १८ वर्षको उमेरमा जसोदावेनसँग विवाह गरेका थिए । यद्यपि विवाह भएको केही समयपछि उनी श्रिमतीसँग छुट्टिए । जसोदावेन शिक्षिकाका रुपमा मोदीको गृहराज्य गुजरातमै कार्यरत थिइन् । उनी आफू राम्रो नदेखिने भएकाले फोटो खिचाउन मन नपराउने बताइन्छ ।

३. सैनिक बन्ने चाहना

बच्चा बेलामा उनी भारतीय सेनामा काम गर्न चाहन्थे । सोही कारण उनी नजिकै जामनगरमा रहेको सैनिक विद्यालयमा भर्ना समेत हुन चाहेका थिए । तर, सैनिक विद्यालयमा भर्ना भएपछि शुल्क तिर्नका लागि घरमा पैसा नभएपछि उनी सैनिक विद्यालयमा भर्ना हुन पाएका थिएनन् ।

४. सन्यासी

विवाहपछि मोदी सन्यासीका रुपमा देश घुम्न घरबाट निस्केका थिए । सन्यासीका रुपमा उनले भारतका विभिन्न क्षेत्रको भ्रमण गरेको र भारीय सँस्कृतिसँग परिचित बनेका थिए । केही समय उनी हिमालय क्षेत्रको समेत भ्रमण गरेका थिए । सन्यासीका रुपमा उनले निकै लामो समय हिन्दू मठमन्दिरमा साधूहरुसँग बिताएका थिए ।

५. चायबाला

सायद यो किस्सा धेरैले सुनेका होलान् बच्चामा मोदी चायबालाका रुपमा चिया बेच्ने काम गर्थे । खासमा वादनगर रेल्वे स्टेशनमा मोदीका बाबुले चिया पसल खोलेका थिए । सोही समयमा मोदीले रेलका प्यासेन्जरलाई चिया बेच्ने काम गर्थे । बेला बेला आफ्नो भाषणमा उनले आफूले चिया बेचेको कुरा सगर्व बताउने गरेका छन् ।

६. अमेरिकी शिक्षा

सबैलाई थाहा नहुन सक्छ, मोदीले अमेरिकामा शिक्षा लिएका थिए । उनले सन् १९९० को दशकमा भारतीय जनता पार्टी भाजपाको राष्ट्रिय प्रवक्ता हुँदा अमेरिका गई तीन महिना अध्ययन गरेका थिए । उनको अध्ययन सार्वजनिक सम्बन्ध तथा छवि व्यवस्थापनमा केन्द्रित थियो । सोही अध्ययनबाट उनले आफ्नो छविमा व्यापक परिवर्तन ल्याएका थिए ।

७. सुताई

उनी निकै कम सुत्छन् । उनी सामान्यतः दैनिक ५ — साढे ५ घण्टामात्र सुत्ने गरेका छन् । उनी १२ वा साढे १२ बजे सुत्ने र सबेरै साढे ५ बजे उठ्ने गरेका छन् । उठिसकेपछि प्राणायाम तथा योगा उनको नित्य कर्म हो । स्वस्थ जीवनशैलीका कारण कम सुताइ हुँदा पनि उनी बिमारी भने हुँदैनन् ।

८. विदा नलिने

मोदीले १३ वर्ष गुजरातको मुख्यमन्त्रीको कार्यकाल सम्हाल्दा एक दिन पनि विदा लिएका थिएनन् । उनी निकै कठिन परिश्रम गर्ने नेताका रुपमा लिइन्छ । हिन्दुवादी भएकाले उनी कार्यलाई नै पूजा मान्ने गरेका छन् । उनले आफ्ना मातहतका कर्मचारीलाई पनि यस्तै परिश्रमी हुन प्रेरण दिने गरेका छन् ।

९. स्वतन्त्रतापछि जन्मेका पहिलो प्रधानमन्त्री

मोदीको जन्म सन् १९५० मा भएको हो । यसअनुसार उनी भारतले सन् १९४७ मा बेलायतबाट स्वतन्त्रता पाएपछि जन्मेका पहिलो भारतीय प्रधानमन्त्री हुन् । यसअघिका प्रधानमन्त्री मनमोहन सिंहको जन्म १९३२ मा भएको थियो । मनमोहन सिंहभन्दा अघिका प्रधानमन्त्री अटलविहारी वाजपेयीको जन्म सन् १९२४ मा भएको थियो ।

१०. गुजराती र हिन्दी भाषामा निपूर्ण

नरेन्द्र मोदी आफ्नो मातृभाषा गुजराती र हिन्दीमा निकै निपुर्ण छन् । उनले गुजराती र हिन्दी भाषामा केही कविता र साहित्य समेत लेखेका छन् । उनी अङ्ग्रेजी भाषामा आफ्नो त्यति राम्रो दखल नभएको स्वीकार गर्छन् । तर पनि भाषणकला राम्रो भएका उनलाई आफ्नो विचार प्रवाह गर्न भने कुनै समस्य पर्दैन ।